اهم النصائح و الافكار للشقق الصغيره و كيفيه استغلال المساحات بالصور

ان كنت تريد تحويل شقتك الصغيره لشقه جميله بديكور فندقي هادئ فإليك هذا المقال  

هناك كثير من الافراد الذين يفضلون الشقق ذات المساحات الكبيره و افراد اخري تفضل الشقق ذات المساحات الصغيره ،، لماذا ؟

الشقق الصغيره تتميز في ان مساحتها بتكون مناسبه للعروسين وان مساحتها بتكون كويسه لاثنين متجوزين جديد و لسه مفيش اطفال

 و كمان الشقق الصغيره بتكون تكاليفها اقل في ظل الظروف اللي احنا عايشين فيها

 ناس ثانيه بتحبها لان ترتيبها بيكون اسهل وهكذا

 بس الناس دي بتواجهها صعوبه في اختيار الديكور وازاي تستغل المساحه بالشكل اللي يناسب احتياجها فاحنا قررنا نقول لكم ايه الخطوات اللي تقدروا تمشوا عليها علشان تختاروا ديكور بسيط وانيق وكمان يدي شكل اوسع للشقه وده من خلال مجموعه مقالات هنتكلم فيها بشكل تفصيلي عن كل عن كل جزء في الشقه وهنعرفكم ازاي تعملوا ديكور بيتكم بشكل بسيط وتكاليف اقل .

الاسقف :

اول حاجه هنتكلم عنها النهارده الاسقف الافضل في الشقق الصغيره انه السقف يكون عالي و بسيط و نبعد عن الاسقف الساقطه على قد ما نقدر و الافضل يكون السقف بسيط بإضاءه مخفيه لان الاسقف متعدده المستويات بتدي ضيق للمكان في المساحات الصغيره.

الاضاءه :

الضوء كل مكان كثير كل ما هيدي احساس اكبر بمساحه المكان سواء كانت الاضاءه دي طبيعيه او صناعيه
 الاضاءه الطبيعيه اختار نوافذ كبيره علشان الاضاءه الطبيعيه مهمه جدا في المكان فالافضل اننا نكبر حجم الشبابيك 
كمان نتجنب السجائر الثقيله او الالوانها الغامقه 
بالنسبه للاضاءه الصناعيه نراعي انها تكون مريحه للعين ونبعد عن الاضاءه الشديده المباشره او الملونه وما ينفعش نعتمد على اضاءه السقف فقط ويفضل اننا نستخدم اضاءات جانبيه معلقه على الجدران مثل : تعليق الاباليك او ممكن نستخدم الاضاءه المعلقه في اي مكان في السقف المعلقات او الدلايات .

طب نستعمل انهي طراز في المساحات الصغيره 🤔 ⁉️

افضل طراز بنستخدمه في المساحات الصغيره هو اللي بيكون بسيط وتفاصيله مش كثير ف اي طراز بيعتمد على التفاصيل الكثير ده بيأثر على مساحه المكان فمثلا يفضل اننا نستخدم في الاماكن الواسعه الطراز الكلاسيكي لانه عشان يطبق صح لازم يكون حجم الاساس كبير وفي تفاصيل في الستائر ، في الحوائط ، في الارضيات ، والسجاد ، والاكسسوار... الخ 
كل ده بيزود احساس الضيق بالمكان لو استخدمناه في مكان صغير لذلك يفضل اننا نتجه للطراز الحديث ( المودرن ) اللي ما يكونش فيه تفاصيل كثير.

مثال للطراز الكلاسيكي

مثال للطراز الحديث (المودرن)

الالوان:

الالوان الفاتحه بتدي وسع للمكان وبتخلق بهجه وسعاده في البيت لانها بتساعد في دخول الضوء للبيت وبتدي شكل اوسع للمكان و نبعد عن الالوان الداكنه لانها بتزيد الاحساس بضيق المكان .
اللون الموحد للحوائط بيخدع العين ومش بيخلينا نحس قوي بمساحه المكان ولو عايزين نحط ورق حائط  يفضل انه يكون بنقشه صغيره.
ولا يفضل استخدام نقوشات كبيره او كثير سواء في ورق الحائط او الستائر او الاقمشه او السجاد ، عموما لا يفضل ابدا ان يكون في تفاصيل كثير في ديكور مساحات الصغيره.

الابواب :

الافضل نستخدم الابواب الجراره عشان هتوفر في المساحه احسن من الباب العادي واللي لازم نضطر اننا نسيب ليه مساحه عشان الفتح والقفل وطبعا الافضل ان الباب يكون شفاف .

بكده خلصنا الجزء الاول ،، الجزء التاني هنتكلم عن الاثاث و ديكورات غرفه المعيشه ان شاء الله